Engarenok luko Soroti Unibasite nges na’kanyet kaponi kitepeseni kosodete airemor Luzira kanu ebe amoromor eyaapesi keda aimidic apiyai.
Elomunitos nu akaulo na erionget lo eyait akiro nu aimidic apiyai keda amoromor ne iyapesin (Anti-Corruption Unit) aitolot aingic ko Teso pac.
Lu ikamunitai nges imoriaritos Omoding Sam (Eigirigiran lo Eunibasite), Otim Gilbert (Lo eyait nu apiyai), Odongo James keda Omeka David.
Na epolokinit erionget lo (Anti-Corruption Unit) Lt. Col. Edith Nakalema ipejokini Eunibasite pac nges abala ebe apiyai nu edolete nepetai UGX5.3bn, ijaikinite apugan Eunibasite nges itwasamatai oponesio lu egiligila.
Pro. Robert Ikoja Odongo, apolon Eunibasite (Vice Chancellor) nges abu ogir abekoi nu obala ebe itwasamatai apiyai nu eipone lo ajokan.
